Балканолошкиот институт на Српската академија на науките и уметностите е единствена истражувачка установа во Србија, која се истакнува со својот фокус на проучување на долгорочните процеси што го обликуваат Балканот, од праисторијата до современото доба, преку мултидисциплинарен пристап што ги обединува историјата, историјата на уметноста, археологијата, етнологијата, антропологијата, историјата на книжевноста и лингвистиката. Истражувањата на Институтот се организирани во рамките на пет тематски оски и се вклучени во бројни национални и меѓународни истражувачки проекти.

Институтот е основан по иницијатива на кралот Александар I Караѓорѓевиќ во 1934 година.

Институтот има и активна издавачка програма, која ја вклучува серијата „Посебни изданија“ и мултидисциплинарното списание Balcanica.

Двајца соработници на Институтот учествуваат во реализацијата на проектот PROMETHEUS.

Драгана Николиќ (родена Грбиќ) е виш научeн соработник на Балканолошкиот институт при САНУ. Нејзините истражувачки интереси ги опфаќаат античката историја и епиграфиката, со особен фокус на епиграфските и историските проучувања на централниот и западниот Балкан. Таа е раководителка на една од петте истражувачки теми на Институтот, „Балканот во праисторијата и античкиот период: интердисциплинарни истражувања“. Од 2018 година е и член на Управниот одбор на Институтот. Николиќ е редовeн соработник на публикацијата L’Année Épigraphique. Во рамките на проектот PROMETHEUS, таа дејствува како координатор за Балканолошкиот институт при САНУ.

dragana.grbic@bi.sanu.ac.rs 

Данило Савиќ е истражувач-соработник на Балканолошкиот институт при САНУ. Докторанд е на заедничка докторска програма (cotutelle) меѓу Високата практична школа во Париз и Филозофскиот факултет на Универзитетот во Белград. Работи на докторската теза „Контакти меѓу јазиците на Италија и Балканот во антиката: случајот на месапскиот и јазичните реликти на Илирик“ (Contacts entre les langues de l’Italie et des Balkans pendant l’antiquité: le cas du messapien et des vestiges linguistiques de l’Illyricum), под менторство на Емануел Дипраз (Emmanuel Dupraz) и академик Александар Лома. Неговите истражувачки интереси ги вклучуваат античките јазици на Балканот, месапскиот и италските јазици. Во рамките на проектот PROMETHEUS, тој е член на тимот за комуникација и дисеминација.