Ново издание на Прометеј: Прирачник за дигитална епиграфика!
Ново издание на Прометеј: Прирачник за дигитална епиграфика!
Со задоволство ја објавуваме завршената изработка на нашиот „Прирачник за дигитална епиграфика“ – сеопфатен ресурс за современите методи, практики и алатки во дигиталната епиграфика. Овој прирачник е изграден врз основа на материјали од нашите работилници за дигитална епиграфика, дигитални алатки, раскажување приказни и претставување на културното наследство.
Преку овој прирачник, проектот Прометеј има за цел да им овозможи на истражувачите, студентите и професионалците од областа на културното наследство основни вештини за истражување, документирање и дигитално зачувување на епиграфскиот материјал.
Што содржи?
Прирачникот вклучува текстуални документи на англиски, македонски, српски и бугарски јазик со упатства, инструкции и едукативни материјали. Клучни содржини се и видеа со предавања, презентации и практични вежби, логично распоредени и поврзани со содржините од презентациите. Видеата се достапни и на YouTube каналот на проектот Прометеј.
Пристап до Прирачникот
Прирачникот е достапен на веб-платформата на проектот. Дополнително, платформата содржи и линкови до други ресурси со придружни материјали.
???? Погледнете го овде: https://sites.google.com/view/prometheustutorial/home