5 ) ΗΝ;

6 ) ΗΝ;

7 ) ΝΕ;

9 ) ΗΣ, ΤΗΣ;

9 ) κλη‹ι›πείω‹ι› Bitrakova–Grozdanova.

Бил преупотребен во темелите на Поликонхалната црква во 60-тите години на XX век. Аврелиј Кратес, син на Птолемај, има мешана ономастичка формула. Неговиот nomen Аврелиј укажува дека римско граѓанско право стекнал со Constitutio Antoniniana, што нашиов натпис би го датирало по 212 г. Покрај римската ономастичка формула, во своето име го задржал името на татка си (како дел од македонската ономастичка формула). За неговите квалитети добил почест од Атињаните, како што пишува на натписот, но во неговиот роден град Лихнид, покрај овој натпис, во античкиот театар во 2000 г. е пронајдена уште една база за негова статуа со речиси идентичен текст, подигната од Лихниѓаните (Битракова Грозданова В., Лихнид и Дасаретија, Скопје, 2017, Bitrakova Grozdanova V., Lychnidos et Dassaretie, Skopje, 2017, 421-447). Овие натписи, како и емисиите на монети на Дасаретите и Лихниѓаните укажуваат на тоа дека Дасаретите биле организирани како една административна заедница, а Лихнид бил нејзин центар како автономна градска општина (πόλις). Ваквиот начин на организирање во една заедница (κοινόν, ἔθνος) на помали населби или села кои гравитираат околу една централна градска населба е позната во неколку горномакедонски области во римско време – кај Линкестите, Орестите и кај Елимиотите, кои биле дел од териториите кои во историските извори се нарекуваат слободни, а се потврдени преку натписи. Сличен е случајот и со односот на Дериоп и на градот Стибера.